Kini ang akong suliran

[mysticisland]

---

Unsa gani to Ang theme song ani na drama? Kadtong murag slide guitar Ang sinugdanan?

[tatajhun]

Mga higala maayong gabii ka natong tanan hinaot maa naa kamo sa maayong panglawas, hilabi na gayod ang atong suking magtatampo ug ang kugihan nga magtatambag nga atong kaabang ning atong kalihokan niining atong lawak tambaganan.

Kung ako ang inyong paga pangumustahon kalooy sa labaw na makagagahum ania intawn dakong buhi apan daot kay kuwang sa kaon, apan dili gayud kini babag sa atong mga obligasyon alang sa atong mga higala nga daw nagpas-an sa ilang mga mabug-at nga suliran nga daw gibundakan sa mabug-at nga dag-um giunongan sa bulwak sa ulan nga daw piso nga walay kapasilongan.

Dinhi akong usbon pwede kaayo ipadayag ang inyong mga gidalang pamati nga daw human ma tagaan ug alibyo daw gibayaw sa pwerto sa langit. Dili lang kaayo tas-on ang litaniya nga daw akong nabaton ni Kompanyerong Joop asa na kaha karon gibutang?

Daghan Salamat,
TTJ

[iBerg]

sung-go kos bisdak na bisaya hahaha

[reigel99]

lamia sa ilang mga pulong oi... naglisod man kog langoy...

[Passport]

up nato kay nalubong na

[tatajhun]

Higala ani-a ako karon dinhi niyo aron mosugyot sa akong dakong suliran nga daw nagpapukaw sa akong kalisod nga nahiaguman. Ania ako dapit sa bungtod na bahin sa bukirang baryo sa Talamban daw ang kamingaw dili gayud masayon. Usahay ako naga taghoy-taghoy aron lang ako bati-on ang kakapoy unya dayon dukaon aron lang intawon makapiyong ning mga nagsigang kalimutaw. Apan wala gayud nako mabati ang kasarangan ngaw daw misamot ug siga akong mata sa akong nalantawan daw among silingan ni agi padulong lakaw sa atabay daw sul-ob sa iyang manipis nga sapot daw molutaw ang iyang ka hamis, nga murag adlaw nga nipatong sa buko-buko sa kagabhi-on. Busa ako nagapanglad-ok sa akong laway daw sa akong pamati sa akong tutunlan daw murag rugby nga padung na mogahi. Apan ako nidali dali ug panguros kay ang atabay duol lang sa akong payag nga daw singko metros ang distansya ug duha ka pulgada. Wala gayud ako nakasabot sa akong gibati nga daw murag adunay yawa nga nisakop sa akong galamhan nga daw sa kainit sa akong gibati kung sa bata pa padulong na gayud sa ilang gitawag ug combulsion. Sa akong nakita nga daw si Trina padung na kab-ot sa timba daw nagatuwad kini aron lang maka sag-ob sa tubig nga daw tin-aw pa sa tubig sa MCWD. Ug sa iyang pagtuwad daw ang kahamis sa iyang panit ako gayud kini malantawan nga daw maayong pagka atiman sa iyang kutis, ug sa walay pagduha-duha ako nagpaduol sa lugar nga daw bong-bong lang ang nagka-uwang sa among gilay-on ug diha na murag gikuso-kuso ang akong dughan daw ang kapas-pas sa pitik sa akong kasing-kasing nga daw mura na gayud ako ug ma cardiac arrest daw termino sa mga doktor. Ug sa dihang murag nikanaas ang akong bong-bong nga daw akong hup-an si Trina mitan-aw ug sa makadiyot nga murag nahibulong, ug ako wala na gayud molihok aron siya dili mabulabog sa iyang gimbuhaton. Ug sa dihang siya nipadayon ug timba ug sa akong kwentada gamay nalang gayud ug kuwang aron mapuno na gayud ang iyang gidalang baldi iya gayud gi kuha ang sabonera nga iyang dala daw sa akong pag analisar murag maligo gayud si Trina. Ug ako nagpiyong piyong na sa tumang kakulba basin ako makita niya.

Ug sa walay pagduha-duha gikuha ni Trina ang kabo ug dala kawos sa tubig anaa sulod sa iyang baldi ug bu-bu sa iyang ulo ug sa dihang pagkabasa sa iyang lawas daw ang katahum nilutaw nga mura gayud akog gibayaw sa kahanginan nga daw grasyang nangatagak gikan sa kalangitan, nisamot ako wala kalihok sa akong nasaksihan nga daw diwata sa katahum. Ug ako nagalibog gayud unsa akong buhaton niatong mga taknaa daw ako nang gahi nga walay masulti ug hangtud karon ako pa gayud masaksihan sa akong mga huna-huna.

Palihug tambagi ako ninyo mga kauban kung kamo anaa sa akong sitwasyon niatong panahona unsa man gayud ang inyong himo-on? Ug ako naa ba akoy sala niadtong aktoha nga daw ako natintal gayud sa katahum ni Trina nga daw nangamay murag tindera? Palihug kamo nay bahala ug mao kana akong nabaton nga suliran karon.

Daghang Salamat kaninyo mga HIGALa.
TTJ

[MasterK]

@tatajhun

Kung ako ang pasultihon ako moingon
sa garay kung nag-ulohan

"Biyaan ra sa Buot"

Sumala sa imong sumbingay
Ang kaanyag ug tahom ni Trina maoy usa ka panuway
nga bisan unsaon nimo sa pag dumili ug pag likay
ganoyon ka gayod sa hunahuna mong malaw-ay.

Sa diha nga siya imo pa lang naalinggatan
wala unta nimo hatagi ug luna sa imong panumduman
aron ikaw makalikay ug dili mahitumpawak sa kasal-anan

Apan ang tentasyon dili man matawag nga sala
gawas kung ikaw motubay hangtod nga motakla na imong dila
Sa imong huna ayaw gayud hatagi ug luna
aron kini dili mosiaw ug mogara

Kung sa tentasyon ikaw pagatukbilon
kini dili gayud angay nga abi-abihon
samtang sa kalalim dili ka pa lamyon
kay basin ikaw sa sala pagasakmiton


ahaha daghan kaayu ko gisulti. ang pasabot diay: "bayaan ra sa bout"
quoted from among silingan nga kuwang sa kabout.

[shibayoy]

nosebleed, earbleed, mouthbleed, ug eyes bleed ko sa binisaya aning nga thread.

[MasterK]

^mao kini ginaingon nga ang lolon pinulongan lumad sugbuanon lisod na nga sabton sa mga kabatan-onan karon.

mas maau pa nga modern binisaya nalang kay sayon ra. ato nalang gyong dawaton nga sagol na tagalog, spanish, japanese ug english.

[dongzkie]

@tatajhun
lingawa naku ani oi 5 meters and 2 inches. accurate kay ka ha